AQSh davlat kotibi Reks Tillerson Rossiyani amerikalik diplomatlar quvilgani uchun javob choralari ko‘rilishi haqida ogohlantirganini aytdi, Vashingtonning bunday javobi haqida 1-sentabrga qadar e’lon qilinadi, deb yozadi “TASS”.
Tillerson aytishicha, AQSh Rossiya bilan aloqalariga pragmatizm bilan qaraydi. Bundan tashqari, Davlat departamenti rahbari birgina masala tufayli muloqotni tugatish kerak emasligini ta’kidlab, Moskva bilan muammolarni yechish ustida ishlashga tayyorligini bildirdi.
Davlat departamenti rahbari Manilada Rossiya tashqi ishlar vaziri Sergey Lavrov bilan uchrashdi. Tillerson keyinroq jurnalistlarga gapirib berishicha, Rossiya, go‘yoki, Ukraina bilan bog‘liq vaziyatdan chiqish yo‘llarini muhokama qilish uchun shayligini bildirgan.
Izoh (0)