Bugun futbol vatani Angliyada yangi mavsumni ochib beruvchi Superkubok o‘yini o‘tkaziladi. Unda mamlakatning amaldagi chempioni hisoblangan “Chelsi”, Angliya kubogida g‘olib chiqqan Londonning boshqa bir jamoasi “Arsenal” bilan bellashadi.
Bellashuv Toshkent vaqti bilan 18:00 da start oladi. Antonio Konte hamda Arsen Venger shogirdlari Londondagi mashhur “Uembli” stadionida bahs olib boradi.
Londonning bu jamoalari Sharqiy Osiyo turnesi davomida yaqindagina o‘rtoqlik o‘yini o‘tkazgan bo‘lib, unda “Chelsi” 3:0 hisobida muvaffaqiyat qozongandi.
Bungacha “PSJ” Fransiya Superkubogida, “Bavariya” esa Germaniya Superkubogida zafar quchishning uddasidan chiqa olgandi.
Angliya Superkubogi “Uembli” stadioni 6-avgust, yakshanba
“Arsenal” — “Chelsi” — 18:00
“Daryo” internet nashri o‘z jurnalistini “Barselona” va “Real” klublari o‘rtasidagi Ispaniya Superkubogiga yuborishni rejalashtirgan. Azimut Travel hamda “Turizm” gazetasi bilan hamkorlikda tashkil etilayotgan tur Frankfurt, Barselona, Madrid va Parij shaharlariga sayohatni ham o‘z ichiga oladi.
Izoh (0)