AQSh davlat departamenti iqlim o‘zgarishi bo‘yicha Parij bitimini ayni vaqtda qayday ko‘rinishda bo‘lsa, shundayligicha tark etishi to‘g‘risida BMTni rasman xabardor qildi. Bu haqda idora rasmiy saytiga asoslanib, “Gazeta.ru” xabar berdi.
Shunga qaramay AQSh prezidenti Donald Tramp avvalroq ma’lum qilganidek, mamlakat Parij bitimiga keyinroq yana qaytishi mumkin.
“Prezident 1-iyun va undan keyinchalik ham aytganidek, AQSh Parij bitimida amerikaliklarning biznesi, ishchi kuchlari, xalqi va soliq to‘lovchilari uchun manfaatli shartlarni ko‘ra olsa yana qaytishi mumkin”, — deyiladi davlat departamentining xabarida.
Shuningdek, idoraning qo‘shimcha qilishicha, AQSh bundan keyin ham iqlimga bog‘liq muammolarga tegishli xalqaro konferensiyalarda qatnashishni davom ettiradi.
Izoh (0)