Fransiya 2016-yilda sayyohlar orasida eng ommabop mamlakat bo‘ldi

2016-yil yakunlariga ko‘ra, chet ellik sayyohlar orasida eng ommabop bo‘lgan mamlakat nomini Fransiya saqlab qoldi, u hisobot davrida 82,6 million kishini qabul qilgan, deb yozadi National Geographic BMTning Jahon sayyohlik tashkiloti (UNWTO)ga tayanib.

2016-yilda sayyohlar eng ko‘p tashrif buyurgan mamlakatlar:

1. Fransiya (82,6 million kishi);
2. AQSh (75,61 million kishi);
3. Ispaniya (75,56 million kishi);
4. Xitoy (59,3 million kishi);
5. Italiya (52,4 million kishi).

Sayyohlikdan tushgan daromad bo‘yicha AQSh yetakchilik qilmoqda (206 milliard dollar). Undan keyingi o‘rinlarda — Ispaniya (60 milliard dollar), Tailand, Xitoy va Fransiya (42 milliard dollar).