Xitoyning Los-Anjelesdagi bosh konsulligi AQSh rasmiylaridan diplomatik vakolatxona va uning xodimlari xavfsizligini ta’minlash hamda bu yerga uyushtirilgan hujum tafsilotlarini tekshirishni talab qildi. Bu haqda konsullik saytida joylashtirilgan bayonotda ma’lum qilindi, deya xabar beradi “TASS”.
1-avgust, seshanba kuni noma’lum erkak Xitoyning Los-Anjelesdagi bosh konsulligi yaqiniga kelib, avtomobildan chiqmagan holda binoga qarata o‘q uzdi. Shundan so‘ng joniga qasd qildi. Hodisa tufayli konsullik xodimlari yoki o‘tkinchilardan hech kim jabrlanmadi.
Politsiyaga ko‘ra, hujum qilgan shaxs 60 yosh atrofida bo‘lgan. U 18 marotaba o‘q uzgan: binoning darvozalari, eshiklari va devorlarida o‘q izlari qoldi.
Erkak Xitoy fuqarosi ekanligi bildirilmoqda.
Izoh (0)