Shavkat Mirziyoyev Afg‘oniston prezidentiga ta’ziya izhor etdi

O‘zbekiston Prezidenti Shavkat Mirziyoyev Hirot shahrida yuz bergan portlash munosabati bilan Afg‘oniston prezidentiga hamdardlik bildirdi. Bu haqda Prezident matbuot xizmati xabar bermoqda.

“O‘zbekiston Prezidenti Shavkat Mirziyoyev Hirot shahridagi masjid binosida sodir etilgan terrorchilik harakati oqibatida ko‘plab begunoh insonlar qurbon bo‘lgani va og‘ir jarohat olgani munosabati bilan Afg‘oniston prezidenti Muhammad Ashraf G‘aniga ta’ziya izhor etdi”, — deyiladi Prezident matbuot xizmati axborotida.

1-avgust kuni Afg‘onistonning Hirot shahridagi eng yirik shia masjidida portlash yuz bergan edi. Hodisa yuz bergan vaqt masjidda 300 dan ziyod odam bo‘lgan, kamida 30 kishi qurbon bo‘lgani aytilmoqda.