Qozog‘istonda shifokorlarga internetdagi reytingidan kelib chiqib maosh to‘lanadigan tizim joriy etiladi

Qozog‘istonda shifokorlarga internetdagi reytingidan kelib chiqib maosh to‘lanadigan tizimni joriy etish rejalashtirilmoqda. Bu haqda “Vestnik Kavkaza” xabar bermoqda.

Mamlakat sog‘liqni saqlash vaziri Yeljan Birtanovga ko‘ra, shifokor ishining sifatiga qarab haq olishi muhim.

“Bu sifatni, o‘z-o‘zidan, mijozlar belgilaydi. Biz ishga tushirmoqchi bo‘lgan tizimda, aytaylik, kardiolog maslahati zarur bo‘lgan bemor reytingni ko‘rib, u haqdagi fikrlar, mavjud talabdan kelib chiqib, shifokor tanlashiga imkon yaratiladi. Har bir bemor reytingni ko‘rib boradi, ‘layk’ qo‘yadi va bu yulduzchalar ko‘rinadi”, — dedi Birtanov.

Reyting o‘tish darajasidan past bo‘lsa, poliknika yoki shifokorning ish sifati hamda samarasi haqidagi masala ko‘tariladi.