Orkney orollarining chekka qismida joylashgan Buyuk Britaniyadagi eng kichik maktab yagona o‘quvchisi tahsilni tamomlaganligi uchun yopildi. Bu haqda TJournal xabar bermoqda.
12 yoshli Teygan Skott boshlang‘ich sinflarni yakunladi va sentabrdan boshqa oroldagi gimnaziyaga boradi. U yangi maktabga dushanba kuni yo‘l olib, ota-onasining oldiga juma kuni qaytib keladi. Gimnaziyaga quruqlik orqali borishning imkoni bo‘lmagani uchun havo orqali 20 daqiqa parvoz qilishiga to‘g‘ri keladi.
Teyganning ota-onasi Orkney orollariga 2010-yilda ko‘chib o‘tgandi. Bu yerda atigi 50 kishi yashaydi, qiz esa bir necha yil maktabda bir o‘zi o‘qidi. Endi u o‘quvchilari ko‘p bo‘lgan gimnaziyada o‘qishiga to‘g‘ri kelishini hayajon va xavotir bilan kutmoqda.
Izoh (0)