Sobiq Kaufman yetimxonasi binosi Toshkent shahrining Mirzo Ulug‘bek tumanidagi Sayilgoh ko‘chasida joylashtiriladi. Bu haqda, “O‘zbekiston 24” telekanaliga asoslanib, “Gazeta.uz” xabar bermoqda.
Muqaddam ushbu tarixiy binoning buzilishi mumkinligi matbuotda va ijtimoiy tarmoqlarda bahslarni keltirib chiqargan edi. Shundan so‘ng rasmiylar binoni buzib tashlash rejasidan voz kechib, uni boshqa hududga ko‘chirish qaroriga kelgan edi.
Davlat arxitektura va qurilish qo‘mitasi matbuot kotibi Dilshod Jalolovning so‘zlariga qaraganda, 1916-yili qurilgan tarixiy yodgorlik Toshkent davlat yuridik universiteti va Adliya vazirligi binolari yonida joylashadi.
Binoni ko‘chirishdan asosiy maqsad — “uni xalqqa yaqinroq qilish”, deb ta’kidladi Jalolov. U ilgari joyida jamoatchilik uchun daxlsiz edi.