Isroil bosh vaziri Binyamin Netanyaxu AQShvakillari bilan suhbat davomida ilk bor Tel-Avivning Falastin bilan hududlar almashishga tayyorligini bildirdi. Bu haqda mamlakat televideniyesining ikkinchi kanali ma’lum qildi, deya xabar beradi “TASS”.
Telefon orqali muloqot Quddusning Ibodatxona tog‘i atrofidagi tanglikka qadar bo‘lib o‘tgan. Unda AQSh ma’muriyatining xalqaro muzokaralardagi maxsus vakili Jeyson Grinblatt hamda AQSh prezidentining maslahatchisi va kuyovi Jared Kushner ishtirok etgan.
Telekanalga ko‘ra, suhbat chog‘i Netanyaxu Vashingtondan Iordan daryosining G‘arbiy qismidagi Gush-Etsion manzilgohlarini Isroilga qo‘shilishiga rozi bo‘lishni so‘ragan. Buning evaziga hozirda Isroil tarkibida bo‘lgan Vadi Ara manzilgohini Falastin nazoratiga berishga roziligini bildirgan.
Telekanal AQSh rasmiylarining bu taklifga munosabatiga aniqlik kiritmadi.
Izoh (0)