Xalq deputatlari Zangiota tuman kengashining navbatdan tashqari sessiyasida Abduvahob Tamikayev tuman hokimi etib tasdiqlandi. Bu haqda “Gazeta.uz” xabar bermoqda.
“Agrobank” boshqaruvi raisi bo‘lib ishlab kelgan Abduvahob Tamikayev mazkur lavozimda tumanni 2016-yil fevralidan beri boshqarib kelgan Sa’di Shermatovni almashtirdi.
Shuningdek, tuman prokurori, IIB, DSI boshlig‘i, yer resurslari va davlat kadastri, moliya va g‘aznachilik bo‘limlari rahbarlari o‘z lavozimini tark etgani bildirilmoqda.
Eslatib o‘tamiz, O‘zbekiston Prezidentining 20-iyuldagi qarori bilan Zangiota tumani hududi chegarasi doirasida Zangiota va Toshkent tumanlarini tashkil etiladi.
Izoh (0)