O‘zbekistonning Xitoydagi yangi favqulodda va muxtor elchisi Baxtiyor Saidov Xitoy Tashqi ishlar vazirligi rahbariyatiga ishonch yorlig‘i nusxasini topshirdi. Bu haqda “Gazeta.uz” xabar berdi.
Bunga qadar besh yil davomida Doniyor Qurbonov O‘zbekistonning Xitoydagi diplomatik vakolatxonasiga rahbarlik qilgan. Baxtiyor Saidov esa “O‘zbekengilsanoat” boshqaruvi raisining birinchi o‘rinbosari bo‘lib ishlagan.
Uchrashuv chog‘ida tomonlar o‘zbek-xitoy hamkorligi va uning o‘zaro manfaatli yo‘nalishlarda rivojlanish istiqbollari masalalarini muhokama qildi.
O‘zbekiston Prezidentining may oyida Xitoyga davlat tashrifi vaqtida erishilgan kelishuvlarni amalga oshirishga alohida e’tibor qaratildi.
Izoh (0)