Oq uy Tramp Rossiyaga qarshi sanksiyalarni kuchaytirishga tayyorligini ma’lum qildi

AQSh prezidenti Donald Tramp “yanada kuchliroq sanksiyalar”ni amalga oshirish uchun Kongress tomonidan qabul qilingan Rossiyaga qarshi yangi sanksiyalarga cheklov qo‘yishi mumkin. Bu haqda Oq uy kommunikatsiya departamenti rahbari Entoni Skaramuchchining bayonotiga tayanib, “Gazeta.ru” xabar berdi.

“U sanksiyalarni qanday bo‘lsa, shundayligicha imzolashi yoki Rossiyaga qarshi sanksiyalarni yanada kuchaytirish maqsadida ularga veto qo‘yishi va muzokaralar olib borishi mumkin”, — dedi department rahbari.

Skaramuchchining so‘zlariga ko‘ra, Tramp “qarshi choralar”ni ma’qul ko‘rmoqda, shu jumladan Rossiyaga qarshi, prezidentning bunday qadamlari esa amerikaliklarga yoqmoqda.