Olmaliq shahrida 21-iyul kuni soat 13:30 da 1952-yilda tug‘ilgan nafaqaxo‘r X.X. uyi hovlisida eri, 1938-yilda tug‘ilgan nafaqaxo‘r A.X.ni pichoqlab qo‘ydi. Bu haqda Toshkent viloyati IIB xabar berdi.
Er va xotin o‘rtasida kelib chiqqan o‘zaro janjal oqibatida X.X. turmush o‘rtog‘i A.X.ning chap taraf ko‘krak qafasiga pichoq bilan urib, unga tan jarohati yetkazgan. Natijada jabrlanuvchi og‘ir tan jarohati bilan shifoxonaga yotqizilgan.
Shahar markaziy shifoxonasining ma’lum qilishicha, A.X.ning chap ko‘krak qafasida sanchilib kesilgan jarohat, chap yelka yuqori uchligida kesilgan jarohat bor.
X.X. qo‘lga olingan. Holat yuzasidan unga nisbatan O‘zbekiston Respublikasi Jinoyat Kodeksining 104-moddasi 1-qismi bilan jinoyat ishi qo‘zg‘atildi. Ashyoviy dalil sifatida oshxona pichog‘i olindi. Tergovni IIB olib bormoqda.
Izoh (0)