Ilon Mask avtomobil lifti prototipi qanday ishlashini ko‘rsatdi, undan transport vositalarini metroga o‘xshash maxsus tunnellarga tushirishda foydalanish ko‘zda tutilgan, deb yozadi “Motor”. Rolikni biznesmen o‘z Instagram’ida e’lon qildi.
Avtomobillar uchun o‘ziga xos metro yaratish g‘oyasini Mask shu yilning mayida oshkor qilgan edi. G‘oyaga ko‘ra, mashina ko‘chada maxsus platformaga chiqishi kerak, u avtomobilni tunnelga tushiradi. Shundan so‘ng avtomobil monorelslar tarmog‘i orqali yo‘lovchilarni o‘z manziligacha yetkazadi. Mashinali platformalar yer ostida soatiga 200 km tezlikda harakatlana oladi.
Tunnellar tarmog‘ini yaratish uchun Mask The Boring Company nomli yangi kompaniyani ochdi. Firma allaqachon Los-Anjelesda sinov tunnelini qurishga kirishgan.
Bundan tashqari, biznesmen AQSh hukumatidan Nyu-York va Vashingtonni bog‘laydigan tunnel uchun ruxsat oldi. Unda Hyperloop vakuum poyezdlari harakatlanishi kutilmoqda.
Izoh (0)