Ford avtogiganti xavfsizlik kamaridagi nosozlik tufayli 117 ming avtomobilini qaytarib oladi. Bu haqda avtokonsern vakiliga asoslanib “TASS” xabar berdi.
Qaytarib olinadigan avtomobillar Ford F pikapi va 2014-yilda ishlab chiqarilgan Ford E furgonlariga, shuningdek, 2014—2015-yilgi Ford Escape’larga tegishli. Nuqsoni bor avtomobillarning askriyati AQSh hududida sotilgan, biroq Kanada va Meksikaga sotilgan mashinalar ham qaytarib olinadi.
Kompaniya vakillarining aytishicha, qaytarib olinayotgan avtomobillarning xavfsizlik kamaridagi nosozlik sabab mashina birdan to‘xtaganida yoki yo‘l-transport hodisasiga uchraganida kamar uzilib ketishi mumkin. Ford nuqsonlarni bepulga bartaraf etadi.
Keltirilgan nosozlik birorta jarohatga olib kelgani haqida kompaniyada ma’lumot yo‘q.
Izoh (0)