BMT bosh kotibi Antoniu Guterrish Quddusda saqlanib qolayotgan tarang vaziyatdan tashvish bildirdi. Bu haqda “TASS” xabar bermoqda.
Xalqaro tashkilot rahbari tomonlarni fitnalardan qochishga chaqirdi. Xususan, Isroil yuzaga kelgan vaziyatda vazminlikni namoyish etishi zarurligini bildirdi.
“Zo‘ravonlik holatlari kuchayishi xavfidan qattiq tashvishdaman. Barcha siyosiy, diniy va jamoatchilik yetakchilarini fitna qo‘zg‘ovchi harakatlar va gap-so‘zlardan tiyilishga, Isroilni esa vazminlikka chaqiraman”, — ta’kidladi Guterrish.
BMT bosh kotibi Ibodatxona tog‘ining 14-iyulga qadar amalda bo‘lgan maqomi hurmat qilinishi muhimligiga urg‘u berdi. Isroil va Quddusdagi musulmon obidalari saqlovchisi hisoblanadigan Iordaniya o‘rtasidagi muzokaralarni ma’qulladi. Ularni dindorlar hamda tashrif buyuruvchilar xavfsizligini ta’minlashga da’vat qildi.
Izoh (0)