Motorola o‘zining sinmaydigan ekranga ega yangi Moto Z2 Force flagmanini taqdim etdi. Uning ekrani oyna bilan emas, maxsus plastik bilan himoyalangan bo‘lib, ushbu texnologiya Shatter Shield deyiladi. Kompaniya smartfon displeyiga to‘rt yilda ham zarar yetmasligiga kafolat bermoqda, deb xabar berdi “Hi-tech.mail.ru”.
Korpusning qolgan qismi 7000 seriyali alyuminiydan ishlangan. Moto Z2 Force smartfoni orqa paneliga magnit orqali yopishadigan Moto Mods modeli xususiyatlariga ega.
Moto Z2 Force bilan birgalikda 260 Camera Moto Mod ham namoyish etildi. Kamera 3D-ovoz effektiga ega 360 gradusli tasvirga olishni ta’minlaydi.
Shuningdek, Moto Z2 Force kompaniyaning ikkita asosiy kameraga ega birinchi smarfoniga aylandi. Birinchi modul rangli, ikkinchisi esa oq-qora sensor bilan jihozlangan.
Moto Z2 Force smartfonining narxi taxminan 900 dollar atrofida.
Moto X2 Force’ning taxnik tavsifi:
- Displey: 5,5 dyuym va 1440x2560 pikselli, AMOLED;
- Protsessor: Snapdragon 835;
- Xotirasi: tezkor 4 Gb xotira va 64 Gb ichki xotiraga ega;
- Kamera: 12+12 megapikselli asosiy va 8 megapikselli frontal;
- Akkumulyator: 2730 mA/soat;
- Operatsion tizim: Android 7.1.1 Nougat
Izoh (0)