79 yoshli ayol Porsche’ni soatiga 238 kilometr tezlikda haydagani uchun jarimaga tortildi

Belgiyada 79 yoshli ayol umumiy foydalanishga mo‘ljallangan yo‘lda Porsche  Boxster GTS’ni soatiga 238 kilometr tezlikda haydagani uchun 4000 yevro jarimaga tortildi hamda uch oyga haydovchilik guvohnomasidan mahrum qilindi. Bu haqda Gazet Van Antwerpen’ga tayanib, “Motor” xabar berdi.

Qoidabuzarning aytishicha, u kechasi uxlay olmagan va mashinada sayr qilishni istagan. Uning ta’kidlashicha, ayol avtomobili harakatlanayotgan tezlik borasida tushunchaga ega bo‘lmagan, biroq unga berilgan jazoga mutlaqo rozi ekanligini bildirgan.

Bunga qadar 79 yoshli ayol biror marta ham qoida buzmagan.

Porsche Boxster GTS 3,4 litr hajmga ega olti silindrli dvigatel bilan jihozlangan bo‘lib, 330 ot kuchiga ega. 100 kilometr/soat tezlikka 4,7 soniyada chiqa oladi, uning maksimal tezligi 279 kilometr/soatga teng.