Facebook asoschisi Mark Sukerberg SpaceX va Tesla rahbari Ilon Maskning sun’iy aql insoniyat uchun eng katta xavf ekanligi haqidagi fikriga qo‘shilmadi. Sukerberg bu borada Facebook Live onlayn-translyatsiyasida o‘z fikrini aytib o‘tdi, deb yozadi “RIA Novosti”.
Sukerberg oxiratni bashorat qilishga urinishni mas’uliyatsizlarcha qilingan ish deb atash bilan birga, sun’iy aqlning kelajakdagi insoniyat uchun ijobiy rolini qayd etib o‘tdi.
“Sun’iy aql kelajakda hayotimizni yaxshiroq qiladi, oxiratni bashorat qilish esa juda mas’uliyatsiz ish”, — dedi Sukerberg SpaceX va Tesla rahbari gaplariga izoh berishni so‘ragan foydalanuvchilardan birining savoliga javoban.
Avvalroq SpaceX va Tesla kompaniyalari asoschisi Ilon Mask Gubernatorlar milliy uyushmasi uchrashuvida nutq so‘zlar ekan, “sun’iy aql insoniyat sivilizatsiya sifatida to‘qnash keladigan asosiy xavf” ekanligini aytgan edi.
Izoh (0)