Shri-Lankada yil boshidan beri salkam 300 kishi denge bezgagi oqibatida olamdan o‘tdi, 100 mingdan ortiq kishi shu kasallikka chalindi. Bu haqda mamlakat Sog‘liqni saqlash vazirligiga tayanib, Qizil Xoch va Qizil yarimoy jamiyatlari xalqaro federatsiyasi ma’lum qildi, deya xabar beradi “TASS”.
“Denge bilan kasallanish holatlari 103 mingdan oshdi, 296 kishi o‘lgani qayd etildi. Joriy yilda kasallanganlar soni 2016-yil davomida kuzatilganidan (55 150 kishi) salkam ikki barobar ko‘p”, — deyiladi xabarda.
Xalqaro federatsiya Shri-Lanka Qizil Xoch jamiyati bilan birgalikda mamlakat tarixidagi eng yirik denge xurujiga qarshi turish uchun zudlik bilan tezkor yordam ko‘lamini oshirayotgani ta’kidlanmoqda. Vaziyatni yaqindagi musson yomg‘irlari yanada chigallashtirdi.
Izoh (0)