Qoraqalpog‘istonda go‘shtni 25–28 ming so‘mdan sotayotgan 35 tadbirkorga moliyaviy jarimalar qo‘llanildi
Qoraqalpog‘istonda go‘shtni 25–28 ming so‘mdan sotayotgan 35 tadbirkorga moliyaviy jarimalar qo‘llanildi. Bu haqda “KRuz.uz” xabar bermoqda.
“Qoraqalpog‘istondagi barcha bozorlar hududidagi go‘sht va go‘sht mahsulotlari bilan savdo-sotiq faoliyatini amalga oshirayotgan tadbirkorlar tomonidan narxlarni sun’iy ravishda oshirib turganlarini aniqlash maqsadida olib borilgan nazorat tadbirlarida go‘sht mahsulotlari narxlarini sun’iy ravishda oshirgan 35 tadbirkor tomonidan 1 kilogramm go‘sht mahsulotining narxi 22 ming so‘m deb ko‘rsatilishiga qaramasdan, 25–28 ming so‘m narxda sotib turganligi aniqlanib, tegishli tartibda hujjatlar rasmiylashtirilib, to‘plangan hujjatlarga asosan ushbu tadbirkorlik subyektlariga 157,29 million so‘m moliyaviy jarimalar qo‘llanildi va 12 holatda belgilangan tartibda davlat ro‘yxatidan o‘tmasdan faoliyat yuritayotganligi aniqlanib, savdoga chiqarilgan 3,8 million so‘mlik go‘sht mahsulotlari olindi va arzon narxlarda aholiga sotilishi tashkil etildi”, — deyiladi xabarnomada.
Ilgariroq Nukusda go‘sht 24 ming so‘mdan sotilishi belgilangani xabar qilingan edi.
