Kanadalik qo‘shiqchi Jastin Biber dunyo bo‘ylab turnesini to‘xtatdi va toliqqanligi sabab 14 ta konsert dasturini o‘tkazishdan bosh tortdi. Bu haqda TMZ onlayn portaliga tayanib, “TASS” xabar berdi.
Portal sahifasida qo‘shiqchi Santa-Monika shahri (Kaliforniya shtati) bo‘ylab sayr qilib yurgani tasvirlangan video paydo bo‘lgan. Biber turneda 2 yil vaqtini o‘tkazganini va endilikda dam olishni xohlayotganini bildirgan. Shuningdek, u muxlislardan kechirim so‘ragan va o‘zlarini “hafsalasi pir bo‘lgan va sotilgan”dek xis qilmasliklarini so‘rab qolgan.
Avvalroq, Biberning konsertlari AQSh va Osiyo mamlakatlarida 10-oktabrga qadar rejalashtirilgani va ular “kutilmagan sabablarga ko‘ra” bekor qilingani haqida xabar berilgandi.
Jastin Biberning navbatdagi Purpose nomli turnesi 2016-yilning mart oyida boshlangan. Qo‘shiqchi Yevropa, Afrika, Janubiy Amerika va Osiyoda 150 dan ortiq shoular taqdim etdi.
Izoh (0)