Hindistonda 58 yoshli teleboshlovchi Kanchan Nat ustiga palma daraxti qulab tushishi oqibatida halok bo‘ldi. Aniqlanishicha, ayol bir necha oydan beri ushbu daraxtni kesib tashlash borasida kurashib kelayotgan bo‘lgan, deb xabar berdi The Mirror.
Noxush hodisa Hindistonning Mumbay shahrida sodir bo‘ldi. Nat yoga bilan shug‘ullanib uyiga qaytayotganida yo‘l bo‘yidagi palma daraxti keskin esgan shamol tufayli uning ustiga qulagan. Yo‘lovchilar unga yordam berishga harakat qilishgan. Natijada teleboshlovchi olgan jarohati tufayli shifoxonada olamdan o‘tgan.
Nashrning aniqlashicha, ushbu tragediyadan bir necha oy oldin Nat va uning turmush o‘rtog‘i palmani chopib tashlash bo‘yicha petitsiyaga imzo chekkan, biroq mahalliy hokimiyat ushbu daraxt hech qanday xavf tug‘dirmaydi degan qarorni qabul qilgan.
Kanchan Natning turmush o‘rtog‘i o‘z xotining o‘limiga sabab bo‘lgan daraxt orqasidan shahar hukumati bilan sudlashish niyatida.
Izoh (0)