ProCab — O‘zbekistonda 2012-yilda ochilgan o‘zbek—britan qo‘shma korxonasi. Yuqori texnologiyaga ega zavod Sergeli tumanida joylashgan bo‘lib, eksport hamda ichki bozor uchun kabellar ishlab chiqaradi.
19-iyul kuni kompaniya Wyndham mehmonxonasida o‘z mahsulotlari va ularni ishlab chiqarish bo‘yicha konferensiya o‘tkazdi.
Konferensiyaga energetika sohasining mutaxassislari taklif etildi. Jumladan, “O‘zbekenergo”, Artel, Murad Buildings, “Yangi Zamon”, Golden House, “Trest 12”, Eriell, NTMK, Enter Engineering va boshqa kompaniya vakillari tashrif buyurdi.
Tadbir boshida kompaniya vakillari mahsulotlarni ishlab chiqarish hamda ularni amalga tadbiq etish borasida nutq so‘zladi.
Ajoyib videorolik mehmonlarga kabellar ishlab chiqarish jarayoni, shuningdek, ushbu zavod qanday uskunalar bilan jihozlangani haqida so‘zlab berdi. Ularning asosiy qismi Yevropadan olib kelinadi. Bular eritish uskunlari UPCAST (Finlyandiya), NIEHOFF’ning simli qurilmalari (Germaniya), Maillefer’ning tejamkor liniyalari (Finlyandiya), SKET (Germaniya), Kabmak Makine (Turkiya), Domeks’ning qadoqlash qurilmalari (Turkiya) va boshqalar.
Materiallarga keladigan bo‘lsak, bu yerda Borealis (Avstriya), Bashplast (Rossiya), Rusal (Rossiya) ishlab chiqaruvchilarining xomashyolari ishlatiladi.
Shuningdek, kabel va yuqori sifatli simlarni ishlab chiqarish jarayonlari bosqichma-bosqich ravishda ko‘rsatildi, 0,05 millimetr qalinlikkacha kabel olish mumkin bo‘lgan kislorodsiz texnologiyaning nozik jihatlari namoyish qilindi.
ProCab zamonamiz uchun o‘ta muhim bo‘lgan kabellarni cheklanmagan miqdorda yetkazib beruvchi hisoblanadi. Kabellarining o‘ziga xos jihati, ular chirishga chidamli va yong‘in sharoitida ham 180 daqiqagacha ishlay oladi. Bundan tashqari kompaniya zirhli, xo‘jalik kabellarini, XLPE namunalarini, SIP-simlarini va boshqa ko‘plab assortimentlarini namoyish etdi. Katalogdan umumiy miqdorda 1000 dan ortiq kabel va simlarni topish mumkin.
Konferensiya davomida mahsulot sifati qanday tekshirilishi ko‘rsatildi. Korxonada 4 ta laboratoriya, jumladan, yuqori kuchlanishli laboratoriya ham mavjud. U yerda tashqi ko‘rinishi, og‘irligi va kabelning xususiyatlari ishlab chiqarish jarayonining har bir bosqichida tekshiriladi. Mahsulot umumiy miqdorda 14 ta test tekshiruvlaridan o‘tkaziladi.
Shu bilan birga mehmonlar kompaniya xodimlari bilan ham tanishishdi. ProCab korxonasida xorijdan jalb qilinadigan professionallar uchun sharoitlar yaratilgan, bundan tashqari mutaxassislarni tayyorlovchi o‘quv markazlari ham mavjud. Asosiy e’tibor mehnat xavfsizligiga qaratilgan.
Taqdimotdan so‘ng barcha istovchilar o‘zlarini qiziqtirgan savollarni berib, kompaniya rahbarlari hamda texnik mutaxassislaridan kerakli javoblarni oldi.
Kecha yakunida qimmatli sovg‘alar qo‘yilgan o‘yinlar bo‘lib o‘tdi, shundan so‘ng mehmonlar norasmiy muhitda o‘zaro muloqot qilish hamda tajriba almashish imkoniyatida ega bo‘ldilar.
ProCab kompaniyasining mahsulotlari bilan procab.uz sayti orqali tanishishingiz mumkin.
Reklama huquqi asosida!
Izoh (0)