Yangiyo‘l tumanida 2016-yilning may oyidan shu kunga qadar bir necha fuqarolarni aldab, moddiy manfaatdorlik evaziga olgan pullarini ustama foizlari bilan qaytarib berishini aytib, firibgarlik qilgan shaxs qo‘lga olindi. Bu haqda Toshkent viloyati IIB xabar berdi.
Yangiyo‘l tumanida 1981-yilda tug‘ilgan M.M. firibgarlik yo‘li bilan, 1981-yilda tug‘ilgan A.I. va 1978-yilda tug‘ilgan O‘.E.ning ishonchini suiste’mol qilib, 12 bosh qora molini sotib olib, pullarni 12 oy muddatda ustama foizlari bilan qaytarib berishni va’da qilgan.
Firibgarlik qilgan shaxs jabrlanuvchilarga 12 bosh qoramol uchun 62 000 000 so‘mni shu kunga qadar bermasdan, o‘z ehtiyojlari uchun ishlatib yuborgan.
Hozirda fuqaro M.M.ga nisbatan O‘zbekiston Respublikasi Jinoyat Kodeksining tegishli moddalari bilan jinoyat ishi qo‘zg‘atilib, tergov harakatlari olib borilmoqda.
Izoh (0)