Endilikda Telegram messenjeridagi shaxsiy yozishmalarni ma’lum muddatdan so‘ng o‘chib ketadigan qilib sozlasa bo‘ladi. Taymerni o‘rnatish uchun fayl menyusidagi soatning belgisini tanlash kerak. O‘z-o‘zini yo‘q qilish jarayoni jo‘natilgan foto yoki video fayl qabul qiluvchi tomonidan ochilganidan so‘ng ishga tushadi, deb xabar berdi Layfxaker”.
Belgilangan vaqt kelgach fayl butunlayga yo‘qolib ketadi — xuddi maxfiy chatlardagi kabi. Agarda foydalanuvchi rasm yoki rolikni skrinshot qilishga urinsa, siz bu haqida darhol xabardor bo‘lasiz.
4.2 yangilanish ba’zi mediafayllarni ko‘chirib olishni tezlashtiradi. Agarda siz 100 ming yoki undan ortiq foydalanuvchisi bor kanalda bo‘lsangiz Telegram kontent (CDN) yetkazib berish tarmog‘idan foydalanadi. Bu esa fayllarni tezroq ko‘chirib olish imkonini beradi.
Telegram’da boshqa bir foydalanuvchiga jo‘natmoqchi bo‘lgan stikerlarni tanlash yanada osonlashdi: endilikda tanlov zonasini butun ekranga qadar kengaytirish mumkin. Bundan tashqari kompaniya suratlarni tahrirlash qurilmasini yaxshiladi hamda sozlamalar orqali profilga izoh yozishga ruxsat berdi.
Bu kabi funksiyalardan faqatgina iOS va Android operatsion tizimida boshqariladigan mobil qurilmalarda foydalanish mumkin.
Izoh (0)