Irlandiya rasmiylari Apple korporatsiyasidan olingan 13 milliard yevro (15,2 milliard dollar) qo‘shimcha soliqlardan iborat mablag‘ni boshqaradigan maxsus fond tashkil etadi. Bu haqda Bloomberg ma’lum qildi, deya xabar beradi “Korrespondent.net”.
Pullar Apple va Irlandiya hukumati Yevrokomissiya qarori yuzasidan bahslashguncha fondda qolishi, ishning ko‘rib chiqilishi esa bir necha yilga cho‘zilishi mumkinligi bildirilmoqda. O‘tgan yil avgustida Yevrokomissiya mamlakatda korporatsiya uchun soliq imtiyozlari noto‘g‘ri qo‘llangan deb hisoblab, Apple Irlandiyada qo‘shimcha soliq to‘lashi haqida qaror qabul qilgandi.
Fondni tashkil etishda Apple vakillari korporatsiyadan qo‘shimcha soliq undirilishiga qarshi chiqayotgan va soliq imtiyozlari noqonuniy qo‘llanganmaganini da’vo qilayotgan Irlandiya hukumati qatorida ishtirok etadi. Jamg‘arma investitsiyalarni boshqarish uchun bir yoki bir necha menejerlarni yollashi kutilmoqda.
Izoh (0)