Qirg‘izistonning kelgusi prezidentiga hokimiyat tinch yo‘l bilan berilishi kafolatlanadi. Bu haqda amaldagi davlat rahbari Almazbek Atambayev Cho‘lponotadagi an’anaviy yillik matbuot anjumanida ma’lum qildi, deya xabar beradi K-News.
“Saylov natijalarini, ular qanday bo‘lishidan qat’i nazar, tan olish kerak. Ovozlar sanog‘i halol bo‘lishini ta’minlaymiz. Kimdir ovozlarni sotishi mumkinligi boshqa masala. Hokimiyat tinch yo‘l bilan berilishini kafolatlayman. Biroq fe’l-atvorimni bilasizlar: bizga nisbatan fitna qilinsa, uni bartaraf etamiz”, — ta’kidladi Atambayev.
Qirg‘iziston prezidentiligiga saylov joriy yilning 15-oktabrida bo‘lib o‘tadi. Amaldagi prezident Almazbek Atambayev unda ishtirok etmaydi.
Izoh (0)