BMT Xavfsizlik kengashi 24-iyul, dushanba kuni Quddusdagi vaziyat bo‘yicha navbatdan tashqari yig‘ilish o‘tkazadi. Bu haqda, xalqaro tashkilot shtab-kvartirasidagi manbaga tayanib, “TASS” ma’lum qildi.
Manbaga ko‘ra, yopiq tartibdagi yig‘ilish kengashning Nyu-York vaqti bilan 10:00 da boshlanadigan ertalabki sessiyasidan so‘ng boshlanadi. Unda Yaqin Sharqdagi jarayon maxsus koordinatori Nikolay Mladenov ishtirok etadi.
Quddusdagi vaziyatni yumshatish choralarini muhokama qilishga Xavfsizlik kengashi a’zolari bo‘lgan Misr, Fransiya va Shvetsiya da’vat etdi.
22-iyul, juma kuni Iordan daryosining G‘arbiy qirg‘og‘idagi Xalamish aholi punktida uch nafar yahudiy o‘ldirildi, bir nafdari jarohat oldi.
O‘tgan hafta uch jangari Ibodatxona tog‘ida ikki politsiyachini o‘ldirib ketgani bu hududda xavfsizlik choralarining kuchaytirilishiga sabab bo‘ldi. Jumladan, Ibodatxona tog‘iga chiqish uchun metall aniqlovchi romlardan o‘tish talab etiladi. Bundan tashqari, ellikka to‘lmagan musulmonlarga al-Aqsoda namoz o‘qish taqiqlandi.
Izoh (0)