Ko‘plab amerikalik siyosatchilar hamda fuqarolar AQShda soliqlar juda yuqori bo‘lganligi sabab ushbu tizimni tanqid qilib keladi. Biroq AQShning umumiy soliq yuki dunyoning boshqa davlatlari bilan solishtirilganda bu yerda soliqlar u qadar katta emasligini ko‘rish mumkin. Bu haqda, Time nashriga tayanib, “Forum Daily” yozmoqda.
AQSh o‘zining 25 foizlik soliq yuki bilan (umumiy federal soliqlar) ro‘yxatdagi davlatlar orasida quyi pog‘onalardan joy egalladi. Amerikaliklar to‘laydigan soliqlar tadqiqot natijasida o‘rtacha ko‘rsatkich deb topilgan 34 foizdan ham past ekanligi ma’lum bo‘ldi. Mamlakatlarni tadqiq etish jarayonida ishtirok etgan davlatlar orasida soliq yuki boshqalardan ancha kam deya faqatgina Janubiy Koreya, Chili hamda Meksika topildi.
Biroq korporatsiyalarning daromadiga solinadigan soliqlar (dunyo bo‘yicha o‘rtacha 20 foiz) haqida gap ketganda, AQShda bu ko‘rsatkich rostan ham dunyodagi eng yuqorilardan birini — 35 foizni tashkil etadi.
Izoh (0)