Pentagon rahbari Jeyms Mettis IShID terrorchilik tashkilotining yetakchisi Abu Bakr al-Bag‘dodiy taxminlarga ko‘ra tirik ekanligini ma’lum qildi. Bu haqda Reuters agentligiga tayanib, “Gazeta.ru” xabar berdi.
“O‘ylashimcha, u tirik va uni qachonki o‘ldirsakgina boshqacha o‘ylashim mumkin. Biroq hozircha biz uni qidirmoqdamiz… taxminimcha, u tirik”, — dedi Mettis.
Avvalroq, Rossiya prezidentining matbuot kotibi Dmitriy Peskov IShID rahbarining o‘limi haqidagi xabarni tasdiqlamagan edi.
16-iyun kuni Rossiya Mudofaa vazirligi al-Bag‘dodiy yo‘q qilingan bo‘lishi mumkinligi haqida xabar bergandi. Biroq idora ushbu ma’lumot turli manbalar orqali tekshirilayotganini ma’lum qilgan.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)