Myunxenning “Bavariya” klubi yangi mavsum uchun chiqargan chiptalarining barchasini sotib tugatdi. Bu haqda “Chempionat” nashri xabar berdi.
Germaniyaning eng shonli klubi o‘z abonementlarini sotish tezligi borasida dunyoning eng yaxshi ko‘rsatkichini bir necha yillardan buyon qayd etib keladi.
Bundesligada chempionat “Bavariya” va “Borussiya Dortmunt” klublari o‘rtasidagi Superkubok o‘yini bilan ochiladi. Myunxenliklar mamlakat chempioni sifatida, dortmundliklar esa kubokdagi muvaffaqiyat sabab Superkubokda ishtirok etadi. Mazkur uchrashuvni tomosha qilish istagida bo‘lgan muxlislar soni 210 mingdan oshib ketdi, deb yozgan nemis nashrlari. Vaholanki, unga mezbonlik qiladigan “Signal Iduna Park” o‘z bag‘riga 75 ming ishqiboznigina sig‘dira oladi.
Superkubokdan keyin “Bavariya” Bundesliga doirasida yil bo‘yi 34 ta o‘yin o‘tkazadi. Klub muxlislari uy va safar uchrashuvlari uchun sotuvga chiqarilgan barcha chiptalarni mavsum startiga 4 hafta qolganida sotib olishdi. Uncha ko‘p bo‘lmagan har bir o‘yinning alohida chiptalari o‘yin kunlari sotuvga chiqadi.
Izoh (0)