Futbol bo‘yicha Ispaniya La Ligasida yangi mavsumning 1-turi 19-avgust kuni start oladi. 2017/18-yilgi chempionatning so‘nggi turi 20-may sanasiga tayin qilindi.
Mavsumni, tabiiyki, Ispaniya Superkubogi uchun bahs ochib berada. Bunda mamlakatning amaldagi chempioni “Real”, Ispaniya kubogi sohibi “Barselona” bilan ketma-ket ikki o‘yinda maydonga tushadi.
13-avgust kungi “El-Klasiko” “Kamp Nou”da o‘tadi, 16-avgust kuni esa azaliy raqiblar “Santyago Bernabeu”da to‘qnash keladi.
“Qirollik klubi” yangi mavsumni “Deportivo” maydonidagi o‘yin bilan boshlaydi. Ernesto Valverde boshqaruvidagi “Barselona” esa birinchi uchrashuvda “Betis”ni qabul qiladi.
Ispaniya La Ligasi 1-tur bellashuvlari 19—20-avgust
“Deportivo” — “Real Madrid”“Levante” — “Vilyarreal”“Selta” — “Real Sosyedad”“Barselona” — “Betis”“Leganes” — “Alaves”“Sevilya” — “Espanyol”“Atletik” — “Hetafe”“Malaga” — “Eybar”“Jirona” — “Atletiko”“Valensiya” — “Las-Palmas”
“Real” va “Barselona”ning mavsum davomidagi ikki to‘qnashuvi 20-dekabr va 6-may sanalaridan joy oldi.
“Real” va “Atletiko” o‘rtasidagi Madrid derbisining birinchisi 19-noyabr kuni o‘tadi. Javob bellashuvi 8-aprelga to‘g‘ri kelgan.
Va nihoyat “Barselona” hamda “Atletiko”ning ikki to‘qnashuvi 15-oktabr va 4-mart sanalaridan joy olgan.
Izoh (0)