Dilnoza Kubayeva: “Niyat qilganimdek insonni hali uchratganimcha yo‘q”

Dilnoza Kubayeva “So‘g‘diyona” nashriga bergan intervyusida niyat qilganidek insonni hali uchratmaganini aytdi, deb xabar bermoqda “Darakchi.uz”.

Intervyu chog‘ida jurnalist: “Shaxsiy hayotga jiddiy e’tibor berish fursati kelmadimikan?” — deya savol berdi.“Niyat qilganimdek insonni hali uchratganimcha yo‘q. Men o‘zidan kechib, sevadigan insonman. Kimgadir ko‘ngil bersam, undan ham shuni istayman. Vaqti-soati bilan bo‘ladi... Orzularim ko‘p”, — dedi aktrisa bunga javoban.

“O‘g‘lingiz otasi haqida so‘raydimi?” — degan savolga Kubayeva shunday javob berdi: “Ikkimiz otasi haqida ko‘p suhbatlashamiz. Ishonasizmi, har safar “Dadang bunday derdi, mana bu ishni yaxshi ko‘rardi” desam, go‘yo o‘g‘limning qanotlari yozilib, uchishga shaylanayotgandek tuyuladi menga. Ko‘zgu oldida uzoq qolib ketadigan odati paydo bo‘lgandi, “Otang, erkak kishi o‘ziga ko‘p oro berishi kerak emas, derdi” deganimdan so‘ng o‘zgardi”.

Dildora Yusufbekova suhbatlashdi.