Toshkentdan Orol dengizigacha avtoralli o‘tkaziladi
Shu yilning 2–9-avgust kunlari dunyoga mashhur Discover Rallytour tomonidan Toshkent shahridan Orol dengizigacha bo‘lgan oraliqda 4 ming kilometrlik ralli bo‘lib o‘tadi. Bu haqda “KRuz.uz” sayti xabar bermoqda.
Musobaqani o‘tkazishdan asosiy maqsad — oldinlari dunyoda kattaligi bo‘yicha to‘rtinchi o‘rinda turgan Orol dengizining hozirgi holatini ko‘rish, insonlarning tabiat boyliklaridan unumsiz foydalanishlarining oqibatlarini dunyoga tanitib, bundan tegishli xulosa chiqarish.
Musobaqada xohlagan odam qatnashishi mumkin. Ishtirok etish uchun 1850000 so‘m lozim.
Musobaqa tashkilotchilari ishtirokchilarga barcha sharoitlar bilan qulayliklarni yaratishni va’da qilmoqda. Rallida o‘z avtotransportida ishtirok etuvchi fuqarolarni yo‘l davomida texnik yordam mashinalari kuzatib boradi.
O‘tkazilgan tur telekanallardagi ko‘ngilochar dasturlarda namoyish etiladi. Shuningdek, ishtirokchilar eng yaxshi mehmonalarda tunab, tibbiy sug‘urtaga ega bo‘ladi.
