Braziliya prezidenti Mishel Temer kabinetida muzokaralar audioyozuvini qiyinlashtiradigan qurilma o‘rnatishga ko‘rsatma berdi. Bu haqda “TASS” xabar bermoqda.
Folha de S.Paulo nashriga ko‘ra, gap inson qulog‘i ajrata olmaydigan ovozlar chiqaradigan qurilma haqida ketmoqda. Shu bilan birga, qurilma istalgan audioyozuvlar uchun xalaqit beradi va ularni qayta eshitish uchun yaroqsiz holga keltiradi.
Bunday qurilmani xarid qilish haqidagi qaror prezidentning tadbirkor Joesli Batista bilan suhbati atrofidagi mojarodan so‘ng qabul qilindi. Mazkur suhbat davlat rahbaridan yashirin ravishda diktafonga yozib olingan va unga nisbatan aksilkorrupsiyaviy tekshiruv boshlanishiga sabab bo‘lgandi.
Izoh (0)