Namangandagi Chorsu bozorida mol go‘shti qat’iy — 25 ming so‘m etib belgilandi

Namangan shahar “Chorsu deqon universal bozori”da mol go‘shti 25 ming so‘m etib belgilandi. Bu haqda “Namnews.uz”ga tayanib, UZ24 xabar berdi.

Maqolada yozilishicha, mazkur bozorga yangi rahbar tayinlangach, ma’lum ishlar amalga oshirildi. Jumladan, o‘tgan hafta ichida bozorning bosh darvozasi o‘ng tomonida go‘sht rastasi tashkil etildi. Unda mol go‘shtining narxi qat’iy – 25 ming so‘m etib belgilandi.

Shuningdek, bozor xududida ishlamay turgan “umivalnik”lar ishlatildi. Mavjud 106 ta turg‘un savdo shoxobchasi, 866 ta rasta faoliyati bir muncha tartibga keltirildi. Mahsulotlarga narxlar to‘la yozib qo‘yildi. Bu masalada shakar sotuvchi ustamonlar faoliyati alohida nazoratga olindi. Natijada kuniga 5 million so‘m savdo qilinmoqda. Dastlabki tozalov kunida 5 ta avtomashinada axlat chiqarib tashlandi.

“Chorsu” bozorining Samarqand ko‘chasi kengaytirilishi, buning uchun 14 xonadon ko‘chirilishi, ularning uylarini narxlash, buzilishiga yordam berish, qurilish ashyolarini belgilagan joylarga yetkazish, bu hudud bozor ichiga olinishi rejalashtirilgan.

Avvalroq, Andijon viloyatida go‘sht 29 ming so‘mdan sotilayotgani haqida xabar berilgandi.