Facebook “Ko‘k kit” o‘yini bo‘yicha ma’lumotlarni taqdim etmagani uchun Braziliya sudi tomonidan jarimaga tortiladi

Braziliyaning Rio-de-Janeyro shtati sudyasi Aleshandri Abraau Facebook tergovga o‘smirlarni va yoshlarni o‘z joniga qasd qilishga da’vat etishda gumon qilinayotgan “Ko‘k kit” o‘yini tashkilotchilari haqidagi axborotni taqdim etishdan bosh tortgani uchun, ijtimoiy tarmoqqa jarima to‘lashni yukladi, deb yozadi “TASS”.

Globo telekanali ma’lumotlariga ko‘ra, jarima miqdori so‘rov Facebook rahbariyatiga berilganidan buyon kunlar o‘tavergani sayin oshib boradi. Ayni paytda uning miqdori allaqachon 2 million realga yetgan (638 ming dollar).

“Ko‘k kit” o‘yini haqidagi ish bilan shug‘ullanuvchi tergovchi Fernanda Fernandes huquq-tartibot organlari sudga murojaat qilib, Facebook rahbariyati talab etilayotgan axborotni taqdim etmaguniga qadar, ijtimoiy tarmoqni Braziliya hududida bloklashni so‘rashini istisno qilmayapti.