AQShning Michigan shtatida istiqomat qiluvchi ayol o‘z turmushu o‘rtog‘ining qotilligida aybdor deb topildi. Mazkur jinoyatga gapiruvchi to‘tiqush guvoh bo‘lgan edi, deb xabar beradi “Interfaks”.
2015-yili Glenna Dyuram to‘tiqushning ko‘z oldida eriga qarata besh marta o‘q uzgan edi. Shundan so‘ng u o‘z joniga qasd qilmoqchi bo‘lgan, ammo buning uddasidan chiqa olmagan edi.
Marhumning sobiq rafiqasi to‘tiqushning erining oxirgi so‘zlarini — “Otma! Otma!” deb takrorlab yurganini aytdi. Ammo to‘tiqushning bu guvohligi sudda ishlatilmadi.
Qurbonning sobiq rafiqasi hozirgi kunda to‘tiqushga qaramoqda. Uning so‘zlariga qaraganda, to‘tiqush qotil va qurbonning suhbatidan boshqa detallarni ham eslab qolgan ekan.
Izoh (0)