Transfer bozorini gullatayotgan “Milan” Xitoyda Dortmund “Borussiya”sidan yengildi

Chempionlar xalqaro kubogining Xitoy zonasida ishtirok etayotgan Italiyaning “Milan” hamda Germaniyaning “Borussiya” (Dortmund) klublari kecha o‘zaro maydonga tushdi.

Uchrashuv nemis klubining 3:1 hisobidagi g‘alabasi bilan yakuniga yetdi. Shu transfer oynasida milanliklar e’tiboriga tushgan Pyer-Emerik Obameyang dubl qayd etdi. Nuri Shahin hisobni ochuvchi, milanliklardan Karlos Bakka esa muvozanatni tiklovchi gollarga mualliflik qildi.

Xitoylik biznesmenlar ta’siri ostida qaddini tiklashga harakat qilayotgan “Milan” safida shu kuni 19 nafar futbolchi maydonga tushdi. Ayni vaqtda bosh murabbiy Vinchenso Montella yangi tarkib shakllantirishga harakat qilmoqda. Shuningdek, Tomas Tuxelni mavsum tugagach iste’foga chiqargan “Borussiya”ni Bos Peter maydonga boshlab chiqdi.

Chempionlar xalqaro kubogi Xitoydagi o‘yin 18-iyul, seshanba

“Milan” — “Borussiya Dortmund” 1:3

Gollar: Nuri Shahin, 17 (0:1). Pyer-Emerik Obameyang, 20-pen (0:2). Karlos Bakka, 24 (1:2). Pyer-Emerik Obameyang, 62 (1:3).