Toshkentning ikki tumanida gaz ta’minoti korxonalari 3,4 mlrd so‘mlik sun’iy qarzlarni “yopish” uchun ularni aholiga taqsimlagan

Toshkentning Yunusobod va Shayxontohur tumanlari gaz ta’minoti korxonalarining bir qator mas’ul shaxslari o‘z lavozimini suiiste’mol qilgan holda, 3,4 milliard so‘mlik sun’iy qarzdorlikni keltirib chiqargan, qarzlarni “yopish” uchun ularni aholiga taqsimlagan. Bu haqda Bosh prokuratura huzuridagi Majburiy ijro byurosi direktori Botir Qudratxo‘jayev O‘zAga ma’lum qildi.

Shuningdek, Qoraqalpog‘iston elektr tarmoqlari mintaqaviy korxonasining Chimboy filiali mutasaddilari jinoiy sxemani ishlab chiqdi, uni amalga oshirish uchun 1 milliard so‘m miqdorida keltirib chiqarilgan qarzdorlik 118 nafar jismoniy shaxslar o‘rtasida “taqsimlandi”. Ularni undirib olish uchun tegishli da’volar qo‘zg‘atilgan. Ammo ijro hujjatlarining bajarilishi ta’minlanmagan.