O‘zbekiston Prezidentining 20-apreldagi qaroriga muvofiq, 1-oktabrdan tabiiy gazni hisoblash uskunalari bo‘lmagan maishiy iste’molchilarga gaz yetkazib berish belgilangan tarifning ikki baravar qiymatini qo‘llagan holda amalga oshirilishi xabar berilgan edi, deb yozadi Norma.
Ta’kidlanishicha, muayyan sabablarga ko‘ra ushbu yangilik shov-shuvga sabab bo‘lgan. Hujjatda zamonaviy gazni hisoblash elektron uskunalari “O‘ztransgaz” kompaniyasi mablag‘lari hisobidan o‘rnatilishi, iste’molchilar hisoblagichlar pulini yil davomida to‘lab berishi ko‘zda tutilgani aytilgan edi, xolos. “Kompaniya bunday qisqa muddat ichida aniq ehtiyojni belgilab, hisoblagichi bo‘lmaganlarning barchasiga uskunalarni o‘rnatib berishga ulguradimi?” degan savol ochiq qolayotgan edi.
Ammo davlat rahbarining 15-iyundagi “Majburiy ijro byurosini rivojlantirish jamg‘armasi faoliyatini tashkil etish to‘g‘risida”gi qarori bilan tarifning ikki baravar qiymati haqidagi qoida bekor qilindi. Shu tariqa, iste’molchida gaz hisoblagichi o‘rnatilmagan bo‘lsa ham, u belgilangan tarif bo‘yicha oshiruvchi koeffitsiyentlarsiz pul to‘lashda davom etadi.
Izoh (0)