2017-yilning 1-iyulidan boshlab o‘zbekistonlik iste’molchilar — jismoniy shaxslar har oyning 10-sanasigacha o‘tgan oyda iste’mol qilingan energiya manbalari uchun to‘liq hisob-kitobni amalga oshirishi shart, deb yozadi O‘zA. Ushbu muddat tugagan vaqtda qarzdorlik borligi aniqlansa, iste’molchilar — jismoniy shaxslar belgilangan tartibda elektr va gazni taqsimlash tarmoqlaridan majburiy tarzda uzib qo‘yiladi.
“Energiya resurslari uchun to‘lovlar va sud dalolatnomalari bo‘yicha qarzdorlikning elektron bazasi shakllantirilgan va u tahlil qilinmoqda, — dedi Bosh prokuratura huzuridagi Majburiy ijro byurosi rahbari Botir Qudratxo‘jayev. — Tarmoqdan elektr energiyasidan qarzdorligi bo‘lgan 48 376 nafar iste’molchi va gaz uchun qarzi bor 22 146 nafar iste’molchi uzib qo‘yildi”.
Iste’molchilarga energiya resurslarini yetkazib berish 100 foizli oldindan to‘lov asosida amalga oshirilmoqda. Oldindan to‘lov o‘tkazilmagan taqdirda ushbu iste’molchilarga nisbatan elektr va gaz taqsimlash tarmoqlaridan to‘liq uzib qo‘yishgacha bo‘lgan choralar qo‘llanilmoqda.
Izoh (0)