Poroshenko Malorossiya degan davlat yaratilgani haqidagi bayonotni inkor etdi hamda Donbass va Qrimni qaytarib olishni va’da qildi

Ukraina Donbass va Qrim hududida o‘z suverenitetini tiklaydi. Bu haqda mamlakat prezidenti Pyotr Poroshenko 18-iyul kuni Gruziyada bo‘lib o‘tgan matbuot anjumanida bayonot berdi, deb xabar qiladi “Korrespondent.net”.

“‘Novorossiya’ loyihasi ko‘mildi. Ukraina Donbass va Qrim ustidan suverenitetini tiklaydi”, – dedi u.

Poroshenko tan olinmagan DNR yetakchisi siyosiy arbob emasligini alohida ta’kidlab o‘tdi.

“Zaxarchenko — siyosiy arbob emas, balki Kreml bayonotlarini takrorlovchi qo‘g‘irchoqdir”, — dedi u.

Bir muddat ilgari Zaxarchenko Donbass hududida Malorossiya degan yangi davlat tuzilganini e’lon qilgan edi.

Ukraina uch tomonlama aloqa guruhida Donbassdagi vaziyatni muhokamaga qo‘yadi.