Xitoy mezbonlik qilgan 15 yoshgacha bo‘lgan futbolchilar o‘rtasidagi Hua Shan Cup turnirida O‘zbekiston o‘smirlar terma jamoasi 3-o‘rinni egalladi. Musobaqada to‘rt jamoa ishtirok etgandi, deb ma’lumot berdi O‘FF rasmiy sayti.
Dilshod Nuraliyev murabbiyligidagi O‘zbekiston U15 musobaqani Chexiyadan qabul qilib olingan mag‘lubiyat bilan boshlagandi — 1:3. Keyinroq mezbon Xitoy futbolchilari minimal hisobda taslim qilindi.
O‘FF matbuot xizmatining qayd etishicha, Yaponiyaga qarshi 3-tur o‘yinida hisob 39-daqiqaga kelib Bobur Sobirov tomonidan ochilgan. Biroq uchrashuv yakuniga 50 soniya qolganida Aoki Yusuke hisobni tenglashtirishga muvaffaq bo‘lgan va Yaponiyaning chempionligini ta’minlagan.
1-turO‘zbekiston — Chexiya 1:3Xitoy — Yaponiya 0:4
2-turXitoy — O‘zbekiston 0:1Yaponiya — Chexiya 3:0
3-turO‘zbekiston — Yaponiya 1:1Chexiya — Xitoy 4:1
O‘zbekiston U15 shu yilning 16-sentabr kuni Osiyo chempionatining saralash bosqichidagi ishtirokini boshlaydi.