Filippin prezidenti Rodrigo Duterte mamlakat Kongressiga Mindanao orolidagi harbiy holatni uzaytirishni so‘rab murojaat qildi, deb yozadi “TASS”.
“U (Duterte) mahalliy terrorchilik guruhlarini va Mindanaoda jamoatchilik xavfsizligiga tahdid solayotganlarning barchasini tartibga solishi kerak”, — dedi prezident matbuot kotibi Ernesto Abella.
23-may kuni IShIDga aloqador “Maute” ekstremistik guruhi jangarilari Mindanao orolidagi Maravi shahrida Filippin xavfsizlik kuchlariga hujum qildi. Shu kuniyoq Duterte butun orol hududida harbiy holat e’lon qildi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)