Nonushta – asosiy ovqatlanishlardan biri bo‘lib, u kuch beradi, bir kun uchun enegiya bilan ta’minlaydi va kayfiyatni ko‘taradi. Shuning uchun nonushta nafaqat mazali va to‘yimli, balki rang-barang va chiroyli tuzatilgan bo‘lishi kerak. Biz sizni tez va mazali nonushta tayyorlash usullari bilan tanishtirmoqchimiz.
Bodring, shivit va qaymoq bilan tostlar
Masalliqlar: 250 g (1 bankacha) yog‘liligi 20% bo‘lgan qaymoq, 2 dona bodring, 4 bo‘lak non, murch, bir bog‘ shivit, yirik dengiz tuzi.Tayyorlash: Blenderda shivitni maydalang, qaymoqni qo‘shing va aralashtiring. 15 daqiqa muzlatgichga qo‘ying. Bodringlarni yuving, quriting va yupqa doirachalar shaklida to‘g‘rang, tuz va murch seping. Nonni duxovkada qizartiring. Iliq non ustiga 1 osh qoshiq shivitli qaymoq qo‘ying, uning ustidan bodringlarni joylashtiring.
Banan, qatiq va asalli smuzi
Bu ichimlik oson tayyorlanadi va juda mazali chiqadi.Masalliqlar: 500 g qatiq, 3 dona yaxshi pishgan banan, 1 osh qoshiq asal.
Tayyorlash: Bananlarni tozalang va yirik qilib to‘g‘rang, ustiga qatiq va asal qo‘shing. Bir xil holatga kelguncha blender yoki mikserda maydalang va sovuq holda dasturxonga torting.
Borodino noni bilan tayyorlangan olivyeli tost
Bu nonushtani yilning har qanday faslida ham tayyorlash mumkin. Buning uchun sizga bayram salati – olivye kerak bo‘ladi.Masalliqlar: 75 g (3 osh qoshiq) yog‘liligi 20% bo‘lgan qaymoq, 125 g qaynatilgan mol go‘shti, 75 g qaynatilgan kartoshka, 75 g qaynatilgan sabzi, 75 g konservalangan yashil no‘xat donalari, 75 g tuzlangan bodring, 2 dona tuxum, 4 bo‘lak borodino noni, ko‘katlar, tuz va murch ta’bga ko‘ra.
Tayyorlash: Hamma masalliqlarni mayda qilib kubik shaklida to‘g‘rang, yashil no‘xat donalarini qo‘shing. Aralashtiring, tuz, murch seping va qaymoqni qo‘shing. Nonni duxovkada qizartiring. Iliq non ustiga 1 osh qoshiq salat qo‘ying va ko‘katlar bilan bezating.
Manba: “Fishki.net”
Izoh (0)