Fitch Ratings xalqaro reyting agentligi qarzlarning ortishi jahon moliyaviy barqarorligiga jiddiy xavf tug‘dirishi haqida ogohlantirdi. Agentlikning baholashicha, 20 foiz mamlakatlarning YIM 2017-yilda qarzlariga nisbatan maksimal qiymatga yetadi.

Hozirda AQShning davlat qarz YIMga nisbati 106,7 foizni tashkil etadi, qarzning o‘zi esa 19,9 trillion dollardan ortadi.

Qarz bilan bog‘liq muammolar boshqa davlatlarda ham bor. “Gazeta.ru” CIA World Factbook ma‘lumotlariga tayanib YIMga nisbatan qarzlari eng ko‘p bo‘lgan davlatlar ro‘yxatini taqdim etdi.

Foto: “Kakprosto.ru”

1.Yaponiya — 234,7 foiz YIM

YIMga nisbatan qarzdorlik bo‘yicha birinchilikda Yaponiya turibdi. Ushbu davlat iqtisodiyotining asosiy muammosi — aholining tez qarishi va sekin o‘sishi.

2.Gretsiya — 181,6 foiz YIM

Mamlakat 2010-yildan beri suveren qarzi inqirozidan aziyat chekmoqda. Gretsiya qarzlarini yengillashtirish uchun kurashayotgan bir vaqtda xalqaro kreditorlar doimiy ravishda qo‘shimcha keskin choralar qo‘llashni talab qilmoqda.

3.Livan — 132,5 foiz

“Livan o‘zining qarzlaridan qutulishdagi past ko‘rsatkichi bilan qarz inqiroziga qarshi turib bera olmagan asosiy gumonlanuvchi”, — deb xabar bergan edi Standart Chartered iqtisodchisi Karla Slim.

4.Italiya — 132,5 foiz

Italiya qarzi bo‘yicha Yevropa davlatlari orasida ikkinchi o‘rinda turadi va bu yagona valyuta blokiga eng jiddiy iqtisodiy xavf tug‘dirishi mumkin.

5.Yamayka — 130.1 foiz

Karib orollari davlati so‘nggi o‘n davomida dunyoda eng ko‘p kredit olganlar mamlakatlardab hisoblanadi. U o‘zining qarzlarini yopish maqsadida doimiy ravishda Xalqaro valyuta fondidan kreditlar olib turadi, bu esa uning iqtisodiy muammolarini yanada chigallashtirib yuborgan.

6.Portugaliya — 126,2 foiz

Mamlakat 2014-yil o‘rtalarida o‘zining qutqarish dasturidan chiqqan, biroq u avvalgidek Yevropa hududidagi iqtisodiy inqiroz oqibatlaridan oyoqqa turib olishga harakat qilmoqda.

7.Eritreya — 119,8 foiz

Ushbu davlat dunyodagi eng kam rivojlangan mamlakatlardan biri, uning YIMi 2,6 milliard dollardan sal ortiqroqni tashkil etadi.

8.Kabo-Verde — 116,8 foiz

So‘nggi yillarda Atlantikada joylashgan ushbu kichik orol-davlat jadallik bilan o‘z qarzini orttirmoqda: 2010-yilda uning YIMga nisbatan qarzi 70 foizni tashkil etgan

9.Singapur — 110,5 foiz

Mamlakat o‘zining yuqori darajadagi qarzlaridan qutulish uchun hozirda iqtisodiy o‘sishning va ishlab chiqarishni oshiruvchi yangi yo‘llarni qidirmoqda.

10.Grenada — 110 foiz

Karib orollariga kiruvchi ushbu davlat so‘nggi yillarda beqaror qarzlarga botganligi sabab bir necha bor defolt e’lon qildi.