Turkiyaliklar telefonda gudok o‘rniga Erdo‘g‘onning tabrigini eshitdi

Turkiyada mobil telefonlar foydalanuvchilari odatiy gudoklar o‘rniga prezident Rajab Toyyib Erdo‘g‘onning tabrigini eshitdi. Tabrik o‘tgan yili uyushtirilib, muvaffaqiyatsiz yakunlangan harbiy to‘ntarish munosabati bilan yo‘llandi, deb xabar beradi “RIA Novosti”.

“Prezident sifatida sizlarni Demokratiya va milliy birdamlik kuni bilan tabriklayman va shahidlarga Allohdan afv, qahramonlarga sog‘liq va farovonlik tilayman”, — deyiladi tabrik matnida.

Tabrikni Turkcell va Vodafone operatorlarining abonentlari eshitishi mumkin.